28 снежня за некалькі дзён да Новага Года прайшоў 5 этап чэмпіянату Беларусі па настольным хакеі, які сабраў 16 удзельнікаў.
Хочацца асабліва адзначыць хлопцаў, якія пачынаюць сваё ўзыходжанне па лесвіцы нахока: Івана Гілевіча і Станіслава Белых.
Абодва вытрымалі гонку на кругавым этапе ў 30 тураў. Можна сказаць, што ў абодвух пачынаюць атрымлівацца новыя элементы гульні. Ужо прыкметны прагрэс, хай ён пакуль мінімальны, але на пачатковым этапе гэта ўжо вельмі нядрэнна! Стомленасць была ў абодвух. Ды і спраў назапаслося, таму хлопцы плэй-оф Першай Лігі не дачакаліся.
Са сваім татам прыйшла і Аня - наш ужо пастаянны ўдзельнік. Таксама "мужна" вынесла працяглую гонку. Шкада, што ёй з татам не ўдалося пагуляць у лігах. А вось Вове Чернобаю прыйшлося праявіць многія свае выдатныя якасці (асабліва пачуццё гумару), каб пазмагацца за медаль у Першай Лізе. Але крыху не хапіла! Да лігаў мы яшчэ вернемся, трохі раскажам пра кругавы этап.
Уверсе турнірнай табліцы, у васьмёрцы плэй-оф, другі этап запар замацаваўся Аляксей Краўчанка, прытым сёння ён упэўнена зайшоў на чацвёртае месца. Не апынуўся ў гэтай зоне Валодзя Сліж, гульня наогул не ішла. Нядрэнна адыграў Вадзім Крыніцкі, заняўшы 6 месца. Міхаіл Чарнабай заскочыў у апошні вагон, а дапамагла яму ўсяго толькі 1 забітая шайба Аляксандру Авіну, у якога з ім аднолькавыя паказчыкі па ачках і асабістых сустрэчах.
Пары плэй-оф падабраліся цікавыя:
Мацвей Шыркавец - Міхаіл Чарнабай.
Тут Мішу было складана супрацьстаяць Мацвею. Лік - 4:0.
Аляксей Краўчанка - Эдуард Куратнік.
Лёша гуляў, як пад капірку мінулага этапу. Зноў прайграючы серыю 1:3, перамагае ў двух наступных матчах. У сёмым матчы авертайм. Як жа было б прыгожа паўтарыць той сцэнар, але сёння пераможную шайбу забіў Эдуард - 3:4.
Аляксандр Бартош - Андрэй Акінфін.
Ня гледзячы на ўсю непадатлівасць Андрэя ў апошніх з ім гульнях, Аляксандру ўдалося ўзяць верх ва ўсіх матчах - 4:0.
Аляксандр Далгоў - Вадзім Крыніцкі.
Вадзім жвава пачаў і адразу павёў, але далей пачаліся арэлі, і супернікі па чарзе запісвалі пераможны лік. Дагуляліся да вырашальнага матчу, дзе больш удачлівым апынуўся Аляксандр - 4:3.
Паралельна ў Першай Лізе астатняя чацвёрка змагалася за медалі адразу ў плэй-оф. Можна павіншаваць Аляксандра Авіна, сёння ён апынуўся мацней супернікаў.
Трыо пераможцаў:
Прайграўшыя ў першым раўндзе плэй-оф Вышэйшай Лігі гулялі паміж сабой за 5-8 месцы.
Хочацца павіншаваць Міхаіла Чарнабая з 5-ым месцам, ён сёння паказаў вельмі добры вынік, абыграўшы ў серыі плэй-оф дзвух моцных супернікаў - Аляксея Краўчанку і Андрэя Акінфіна.
Андрэй Акінфін стаў 6-ым, Вадзім Крыніцкі-7-ым, абыграўшы Аляксея Краўчанку ў трох авертаймах у чарговай сваёй сённяшняй серыі з сямі матчаў.
А ў першым паўфінале Вышэйшай Лігі сустракаліся:
Мацвей Шыркавец - Эдуард Куратнік.
На папярэднім этапе іх серыя скончылася перамогай Эдуарда, і Мацвею, вядома, хацелася рэабілітавацца. Што ён і зрабіў, не без працы, складана, але серыя скончылася з лікам 4:2 на яго карысць.
Другі паўфінал:
Аляксандр Бартош - Аляксандр Далгоў.
Першы святкаваў перамогу - 4:0.
Матч за 3 месца паміж Эдуардам Куратнікам і Аляксандрам Далговым зноў не быў згуляны і зноў па той жа прычыне... Цікава, а мы калі-небудзь яшчэ ўбачым іх паўнавартасную гульню?...
Фіналісты:
Мацвей Шыркавец - Аляксандр Бартош.
Абмен пераможнымі матчамі да рахунку ў серыі 3:2. Затым Мацвей у шостым матчы ставіць пераможную кропку - 4:2.
Прызёры этапу:
Прыгожы атрымаўся пераднавагодні этап!
Шмат цікавых матчаў і серый у цэлым. Як заўсёды выдатны настрой ва ўсіх і выдатныя зносіны па ходу турніру!
Да сустрэчы на наступным этапе 25 студзеня!
Гуляйце ў настольны хакей, сябры!
